नेपालले फिफा अन्तर्राष्ट्रिय मैत्रीपूर्ण खेलमा अफगानिस्तानलाई २–० ले हराएको छ । शनिबार ताजकिस्तानको डुसान्वेस्थित सेन्ट्रल स्टेडियममा नेपाललाई जित दिलाउन मनीष डांगी र रोहित चन्दले गोल गरे । फिफा वरीयतामा २५ स्थान माथिको अफगानिस्तानविरुद्ध नेपालले पहिलो हाफमा गोलरहित बराबरी खेलेको थियो । दोस्रो हाफमा नेपालले काउन्टर अट्याकमा दबाब बनाउँदै दुई गोल गर्न सफल भयो । नेपालले ११ वर्षपछि अफगानिस्तानसँग प्रतिस्पर्धा गरेको हो । सन् २०१३ मा नेपाल दशरथ रंगशालामै अफगानिस्तानसँग दक्षिण एसियाली फुटबल महासंघ (साफ) पुरुष च्याम्पियनसिपको सेमिफाइनलमा पराजित भएको थियो । त्यसअघि नेपालले सन् २०११ मा दशरथ रंगशालामै अफगानिस्तानलाई भरत खवासको गोलमा १–० ले पराजित गरेको थियो ।
दोस्रो खेलमा प्रशिक्षक नवीन न्यौपानेले रक्षक रन्दीप पौडेललाई डेब्यु गराएका हुन् । भिन्सेन्जो अल्बेर्टाेलाई अखिल नेपाल फुटबल संघ (एन्फा)ले नयाँ सम्झौता नगरेपछि न्यौपाने अन्तरिम प्रशिक्षक बनेका हुन् । चेतन घिमिरे सहयक प्रशिक्षकको जिम्मेवारीमा छन् । दुबैले जिम्मेवारी पाएको दोस्रो खेलमै सफल नतिजा निकाल्न सफल भए ।
यसअघि नेपालले १३ खेलसम्म जित निकाल्न सकेको थिएन । यसअघि पहिलो खेलमा रोहन कार्की र निराजन धामीले डेब्यु पाएका थिए । चारमध्ये रक्षक अभिषेक वाइबाले डेब्यु गर्न बाँकी रह्यो । यसअघि नेपाल पहिलो खेलमा घरेलु टोली ताजकिस्तानसँग ४–० ले पराजित भएको थियो । ताजकिस्तान नेपालभन्दा ५१ स्थानमाथि छ । हाल ताजकिस्तान १०५, अफगानिस्तान १५१ र १७६औँ स्थानमा छन् ।
बुधबार पाँच महिनापछि मैदान फर्किएको सिनियर टोली ताजकिस्तानसँग ४–० ले भयो । वर्षा र चिसो मौसमबिच घरेलु मैदानमा ताजकिस्तानले उत्कृष्ट खेल खेलेको थियो । पहिलो हाफमै उसले तीन गोल गर्न गर्यो । डुसान्वेमा प्रशिक्षक नवीन न्यौपालेले यू–२० टिमबाट खेलिसकेका रोहन कार्की र नीराजन धामीलाई डेब्यु गराएका थिए । रोहनले पहिलो ११ मै खेले भने नीराजन खेलको ७४औँ मिनेटमा मैदान प्रवेश गरेका हुन् ।
राष्ट्रका लागि रोहितको पहिलो गोलनेपालको जितमा मनीष डांगी र रक्षक रोहितेचन्दले गोल गरे । मनीषले खेलको ४६औँ मिनेटमा अग्रता दिलाए । रोहितले खेलको ७८औँ मिनेटमा दोस्रो गोल गरेका हुन् । रोहितको यो राष्ट्रका लागि पहिलो गोल हो । बक्सभित्र अनमार्क रहेका रोहितको प्रहारलाई अफगानिस्तानका रक्षक गोलकिपरले रोक्न सकेनन् । यसअघि रोहितले सन् २००९ मा प्यालेस्टाइनविरुद्ध १७ वर्षको उमेरमा डेब्यु गरेका थिए ।
१३ खेलपछि नेपालको जित नेपालले १३ खेलपछि अन्तर्राष्ट्रिय फुटबलमा जित निकालेको छ । यसअघि नेपालले १२ असार ०८० मा पाकिस्तानलाई हराएको थियो । त्यसपछि नेपालले तीन खेलमा बराबरी गर्दा १० खेलमा पराजित भएको थियो । १ वर्षपछि जित निकाल्दा नेपाल, म्यानमार, लाओस, युएई, यमन, मलेसिया, बहराइन, इंग्लान्ड ‘सी’ सँग पराजित भएको थियो । यसबिचमा नेपालले सबैभन्दा ठुलो हार बहराइनसँग ५–० को व्यहोरेको छ ।
अफगानिस्तानसँग पछिल्लो भेटनेपालले ११ वर्षपछि अफगानिस्तानसँग खेलेको हो । यसअघि सन् २०१३ मा दशरथ रंगशालामा नेपालले अफगानिस्तानसँग पछिल्लोपटक भेटेको थियो
