काभ्रेपलान्चोक – राष्ट्रिय स्वतन्त्र पार्टी काभ्रे क्षेत्र नं. २ को सभापति समाजसेवी, व्यवसायी अभियान्ता तारा बहादुर कुँवर क्षेत्रीले काभ्रे जिल्लाको विभिन्न ठाउँमा अशक्त अपांग परिवारलाई सहयोग गर्दै आएका छन् ।
महाभूकम्प देखि कोरोनाको महामारीको लकडाउनमा समेत श्रमिकहरुलाई पर्न गएको चरम समस्याको बेला खाद्यान्न लगायतका राहत सामाग्री निरन्तर वितरण गरेर आयामिक सामाजिक कार्य गर्न र गराउन चुकेनन्।
समाज सेवालाई उच्चस्थानमा राखेर आफूपनि श्रमिक वर्गवाटै माथि उठेको कारण श्रमिकको सेवामा तल्लिन उनै तारा बहादुर कुँवरले बिपन्न अपांग परिवारलाई हुइलचियर वितरण गरेका छन् ।
काभ्रेपलान्चोक जिल्लाको पाँचखाल नगरपालिका वडा नं. १ निवासी बिपन्न परिवारको ठुली माया तामाङ विगत लामो समय देखि प्यारालाइसिसको बिरामी थिइन् । हिड्न नसक्ने अवस्थामा रहेकी उनिलाई समाजसेवी तारा बहादुर कुँवरले हुइलचियर वितरण गरेका छन् । रोटरी क्लब अफ त्रिपुरेश्वरको हजारौं मिटिङको अवसरमा निशुल्क हुइलचियर वितरण गरिएको हो।
त्यसैगरी जन्म जात नै अपांग जन्मिएका पाँचखाल नगरपालिका वडा नं. १ निवासी वीर बहादुर तामाङलाई पनि हुइलचियर वितरण गरिएको छ।
रोटरी क्लब अफ त्रिपुरेश्वरको १००० औ मिटिङको उपलक्ष्यमा Wheel Chair, Commode Chair, Walkar र Crutches निःशुल्क वितरण गरिएको हो ।
पाँचखाल नगरपालिका वडा नं. ४ निवासी एकल महिला फुल माया दनुवारलाई पनि हुइलचियर प्रदान गरिएको छ । झण्डै चार महिनाको अन्तरालमा Wheel Chair, Commode Chair, Walkar र Crutches गरि ४० वटा वितरण गरिएको तारा बहादुर कुँवरले जानकारी दिए ।
पाँचखाल नगरपालिका-३ मा रहेको सर्वमंगला बहुमुखी क्याम्पसले क्याम्पसको १९ औं वार्षिकोत्सव समारोहको अवसरमा तारा बहादुर कुँवरलाई सम्मान गरेको छ । त्यसै गरि कुवरले भुम्लु गाउँपालिका ज्याम्दिको आयुसा राउतलाई उपचार गराउन सफल भएका छन्।
