काठमाडौं -राष्ट्रिय स्वतन्त्र पार्टीका सभापति रवि लामिछानेका निकट मोहनजंग थापा अमेरिकामा पक्राउ परेका छन् ।
राष्ट्रिय स्वतन्त्र पार्टी(रास्वपा)का केन्द्रीय सदस्यसमेत रहेका थापा गतहप्ता अमेरिकाका पेन्सिलभेनियाको फिलाडेल्फिया अन्तर्राष्ट्रिय विमानस्थलमा पक्राउ परेका हुन् । थापालाई अहिले फिलाडेल्फिया संघीय हिरासतमा राखिएको छ ।
थापा गएको हप्ता सभापति लामिछानेको परिवार र रास्वपा नेता डीपी अर्याल, शिशिर खनालसहित नक्सालको एक रेष्टुुरेन्टमा डिनर गरी भोलिपल्ट अमेरिका उडेका थिए । कतार हुँदै अमेरिका पुगेपछि उनी पक्राउ परेका थिए ।
अमरिकी आप्रवासन तथा भन्सार प्रबर्तन(आईएस)ले थापालाई पक्राउ गरेको बताइएको छ ।
थापा अमेरिकी ग्रिनकार्ड होल्डर हुन् । थापा केही वर्षअघि सवारी चालक अनुमतिपत्र दुरुपयोग घरेको घटनामा मुद्दा चलेर जेल समेत बसेका थिए। त्यसछि उनको अमेरिकी नागरिकता रद्द भएर ग्रीन कार्डमा थिए । अमेरिकामा थापाबिरुद्ध चेक बाउन्स, ठगीमा यसअघि नै कारबाही भइसकेको छ ।
